BIG BREAKING: 2000 ನೋಟು ನಿಷೇಧ: ಸೆ.30 ನೋಟು ಬದಲಾವಣೆಗೆ ಗಡುವು! | Azad Times

ಕೇಂದ್ರ ಸರಕಾರ ಹೊಸದಾಗಿ ಬಿಡುಗಡೆ ಮಾಡಿದ್ದ 2000 ರೂ. ನೋಟುಗಳನ್ನು ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ಸಾರ್ವಜನಿಕ ಚಲಾವಣೆಯಿಂದ ವಾಪಸ್ ಪಡೆದಿದ್ದು, ಸೆಪ್ಟೆಂಬರ್ 30ರೊಳಗೆ ನೋಟುಗಳನ್ನು ಬದಲಾವಣೆ ಮಾಡಿಕೊಳ್ಳಲು ಗಡುವು ವಿಧಿಸಿದೆ.

2016 ಸೆಪ್ಟೆಂಬರ್ 8ರಂದು 1000 ಮತ್ತು 500 ರೂ. ನೋಟುಗಳನ್ನು ಅಮಾನ್ಯೀಕರಣಗೊಳಿಸಿದ್ದ ಕೇಂದ್ರ ಸರಕಾರ 2018ರಲ್ಲಿ 2000 ನೋಟುಗಳ ಮುದ್ರಣ ಸ್ಥಗಿತಗೊಳಿಸಲಾಗಿತ್ತು. ಇದೀಗ ನೋಟುಗಳ ಚಲಾವಣೆಯನ್ನೇ ಸ್ಥಗಿತಗೊಳಿಸಲಾಗಿತ್ತು.

ಏಕಕಾಲಕ್ಕೆ 20 ಸಾವಿರ ರೂ.ವರೆಗೆ ನೋಟು ಬದಲಾವಣೆಗೆ ಅವಕಾಶ ನೀಡಲಾಗಿದೆ. ಅಲ್ಲದೇ 2000 ರೂ. ನೋಟುಗಳ ಡಿಪಾಸಿಟ್ ಗೆ ಅವಕಾಶ ನೀಡಲಾಗಿದ್ದು, 2000 ರೂ. ನೋಟುಗಳ ಚಲಾವಣೆ ಮಾಡದಂತೆ ಬ್ಯಾಂಕ್ ಗಳಿಗೆ ಆರ್ ಬಿಐ ನಿರ್ದೇಶನ ನೀಡಿದೆ.

ಮೇ 23ರಿಂದ ನೋಟು ಬದಲಾವಣೆ ಮಾಡಿಕೊಳ್ಳಬಹುದಾಗಿದ್ದು, ಸೆಪ್ಟೆಂಬರ್ 30ರಿಂದ 2000 ನೋಟು ಚಲಾವಣೆಯಲ್ಲಿ ಇರುವುದಿಲ್ಲ.