2 ವಯಾಗ್ರ ಸೇವಿಸಿ 41 ವರ್ಷದ ವ್ಯಕ್ತಿ ಸಾವು | Azad Times

ಮದ್ಯ ಸೇವಿಸುವಾಗ ಜೊತೆಗೆ 2 ವಯಾಗ್ರ ಮಾತ್ರೆ ಸೇವಿಸಿದ 41 ವರ್ಷದ ವ್ಯಕ್ತಿ ಮೃತಪಟ್ಟ ವಿಚಿತ್ರ ಘಟನೆ ನಾಗ್ಪುರದಲ್ಲಿ ನಡೆದಿದೆ.

ಜನರಲ್ ಅಂಡ್ ಫೋರೆನ್ಸಿಕ್ ಮೆಡಿಸನ್ ಪತ್ರಿಕೆಯಲ್ಲಿ ಈ ವಿಷಯ ಪ್ರಕಟವಾಗಿದ್ದು, ಖಾಸಗಿ ಹೋಟೆಲ್ ನಲ್ಲಿ ಗೆಳತಿಯನ್ನು ಭೇಟಿ ಮಾಡಿದ ವ್ಯಕ್ತಿ, 50ಗ್ರಾಂನ 2 ಸಿಲ್ಡೆನಿಫಾಲ್ ವಯಾಗ್ರ ಮಾತ್ರೆಗಳನ್ನು ತೆಗೆದುಕೊಂಡಿದ್ದಾನೆ ಎಂದು ವೈದ್ಯರು ತಿಳಿಸಿದ್ದಾರೆ.

ಮೃತಪಟ್ಟ ವ್ಯಕ್ತಿಯ ಗುರುತು ಮರೆಮಾಚಲಾಗಿದ್ದು, ಈತನಿಗೆ ಯಾವುದೇ ಕಾಯಿಲೆ ಅಥವಾ ಶಸ್ತ್ರಚಿಕಿತ್ಸೆಗೆ ಒಳಗಾಗಿಲ್ಲ. ಮದ್ಯ ಸೇವಿಸುವಾಗ ಮಾತ್ರೆ ತೆಗೆದುಕೊಂಡಿದ್ದಾನೆ ಎಂಬ ಮಾಹಿತಿ ಮಾತ್ರ ಇದೆ.

ಯುವತಿ ಜೊತೆ ರಾತ್ರಿ ಕಳೆದ ನಂತರ ಮಾರನೇ ದಿನ ಬೆಳಿಗ್ಗೆ ವಾಂತಿ ಆಗಿದ್ದು, ಅಸ್ವಸ್ಥಗೊಂಡಿದ್ದಾನೆ. ಗೆಳತಿ ವೈದ್ಯರ ನೆರವು ಪಡೆಯುವಂತೆ ಸಲಹೆ ನೀಡಿದರೂ ನಿರಾಕರಿಸಿದ್ದಾನೆ. ಅಲ್ಲದೇ ಈ ರೀತಿ ನನಗೆ ಆಗಾಗ ಆಗುತ್ತದೆ ಎಂದು ಹೇಳಿದ್ದಾನೆ.

ಆದರೆ ಪರಿಸ್ಥಿತಿ ಬಿಗಡಾಯಿಸಿದ್ದರಿಂದ ಆಸ್ಪತ್ರೆಗೆ ಕರೆದೊಯ್ಯಲಾಯಿತಾದರೂ ಅಷ್ಟರಲ್ಲಿ ಮೃತಪಟ್ಟಿದ್ದ. ಮಾತ್ರೆ ಹಾಗೂ ಮದ್ಯದಿಂದ ಬಿಡುಗಡೆ ಆದ ರಾಸಯನಿಕದಿಂದ ಮೆದುಳಿಗೆ ಆಮ್ಲಾಜನಕ ಹೋಗದೇ ಬ್ಲಾಕ್ ಆಗಿದ್ದರಿಂದ ಸಾವು ಸಂಭವಿಸಿದೆ ಎಂದು ವೈದ್ಯರು ಸಂಶಯ ವ್ಯಕ್ತಪಡಿಸಿದ್ದಾರೆ.