2ನೇ ಏಕದಿನ: ಶಮಿ ದಾಳಿಗೆ ತತ್ತರಿಸಿದ ಕಿವೀಸ್ 108 ರನ್ ಗೆ ಆಲೌಟ್! | Azad Times

ಮಧ್ಯಮ ವೇಗಿ ಮೊಹಮದ್ ಶಮಿ ನೇತೃತ್ವದಲ್ಲಿ ಭಾರತೀಯರು ನಡೆಸಿದ ಸಂಘಟಿತ ದಾಳಿಗೆ ತತ್ತರಿಸಿದ ನ್ಯೂಜಿಲೆಂಡ್ 2ನೇ ಏಕದಿನ ಪಂದ್ಯದಲ್ಲಿ 108 ರನ್ ಗೆ ಆಲೌಟಾಗಿದೆ.

ರಾಯಪುರದಲ್ಲಿ ಶನಿವಾರ ನಡೆದ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟ್ ಮಾಡಲು ಅವಕಾಶ ಪಡೆದ ನ್ಯೂಜಿಲೆಂಡ್ 34.3 ಓವರ್ ಗಳಲ್ಲಿ ಪತನಗೊಂಡಿತು.

ಭಾರತದ ದಾಳಿ ಎಷ್ಟು ಮೊನಚಾಗಿತ್ತು ಅಂದರೆ ಒಂದು ಹಂತದಲ್ಲಿ ನ್ಯೂಜಿಲೆಂಡ್ 15 ರನ್ ಗೆ 5 ವಿಕೆಟ್ ಕಳೆದುಕೊಂಡು 50 ರನ್ ದಾಟುವುದೂ ಕೂಡ ಕಷ್ಟವಾಗಿತ್ತು.

ಆದರೆ ಕೆಳ ಕ್ರಮಾಂಕದಲ್ಲಿ ಗ್ಲೆನ್ ಫಿಲಿಪ್ಸ್ 36 ಮತ್ತು ಬ್ರಾಸ್ ವೆಲ್ 22 ರನ್ ಬಾರಿಸಿದ್ದೂ ಅಲ್ಲದೇ ತಂಡವನ್ನು 100ರ ಗಡಿ ದಾಟಿಸಿದರು. ಮಿಚೆಲ್ ಸ್ಯಾಂಟ್ನರ್ 27  ರನ್ ಗಲಿಸಿದರು.

ಭಾರತದ ಪರ ಮೊಹಮದ್ ಶಮಿ 3 ವಿಕೆಟ್ ಪಡೆದರೆ, ವಾಷಿಂಗ್ಟನ್‌ ಸುಂದರ್ ಮತ್ತು ಹಾರ್ದಿಕ್ ಪಾಂಡ್ಯ ತಲಾ 2 ವಿಕೆಟ್ ಪಡೆದರು.