108 ಮಹಿಳಾ ಯೋಧರಿಗೆ ಕರ್ನಲ್ ಆಗಿ ಬಡ್ತಿ! | Azad Times

ಲೆಫ್ಟಿನೆಂಟ್ ಕರ್ನಲ್ ಹುದ್ದೆಯಿಂದ ಕರ್ನಲ್ ಹುದ್ದೆಗೆ ಮಹಿಳಾ ಯೋಧರಿಗೆ ಬಡ್ತಿ ನೀಡಲು ಭಾರತೀಯ ಸೇನೆ ಮಹಿಳಾ ಅಧಿಕಾರಿಗಳ ವಿಶೇಷ ಸಮಿತಿ ರಚಿಸಿದೆ.

ಸೇನೆಯಲ್ಲಿ  ಪುರುಷರ ತಾರತಮ್ಯ ಕಡಿಮೆ ಮಾಡುವ ಉದ್ದೇಶದಿಂದ ಮಹಿಳಾ ಯೋಧರಿಗೆ ಹೆಚ್ಚಿನ ಪ್ರಾತಿನಿಧ್ಯ ನೀಡಲು ಕರ್ನಲ್ ಆಗಿ ಬಡ್ತಿ ನೀಡುವ ಮೂಲಕ ಕಮಾಂಡರ್ ಹುದ್ದೆ ಅಲಂಕರಿಸುವ ಅವಕಾಶ ನೀಡಲಾಗುವುದು ಎಂದು ಸೇನೆ ಪ್ರಕಟಣೆಯಲ್ಲಿ ತಿಳಿಸಿದೆ.

ಜನವರಿ 9, 2022ರಂದು ಮಹಿಳಾ ಅಧಿಕಾರಿಗಳ ಸಮಿತಿ ನೇಮಕ ಮಾಡಲಾಗಿದ್ದು, ಪ್ರಕ್ರಿಯೆ ಆರಂಭಗೊಂಡಿದೆ. 108 ಖಾಲಿ ಇರುವ ಹುದ್ದೆಗಳಿಗೆ 1992ರಿಂದ 2006ರವರೆಗಿನ ಬ್ಯಾಚ್ ಗಳ 224 ಮಹಿಳಾ ಅಧಿಕಾರಿಗಳನ್ನು ಪರಿಗಣಿಸಲಾಗಿತ್ತು.

ವಿವಿಧ ವಿಭಾಗಗಳಲ್ಲಿ ಪರಿಣತಿ ಹೊಂದಿದ (ಇಂಜಿನಿಯರ್, ಸಿಗ್ನಲ್ಸ್, ಸೇನಾ ರಕ್ಷಣಾ ವಿಭಾಗ, ಗುಪ್ತಚರ ಸೇರಿದಂತೆ ವಿವಿಧ ಕ್ಷೇತ್ರಗಳ ಅಧಿಕಾರಿಗಳು) ಮಹಿಳಾ ಅಧಿಕಾರಿಗಳನ್ನು ಆಯ್ಕೆ ಮಾಡಿ ಸರಕಾರಕ್ಕೆ ಪ್ರಸ್ತಾಪ ಸಲ್ಲಿಸಲಾಗಿದೆ ಎಂದು ಸೇನೆ ಪ್ರಕಟಣೆಯಲ್ಲಿ ತಿಳಿಸಿದೆ.