ದೇಶದ ಅತೀ ದೊಡ್ಡ ಡಾಟಾಗೆ ಕನ್ನ: 66.9 ಕೋಟಿ ವೈಯಕ್ತಿಕ, ಕಂಪನಿ ಮಾಹಿತಿ ಕಳವು! | Azad Times

ಸೈಬರಾಬಾದ್ ಪೊಲೀಸರು ದೇಶದ ಅತೀ ದೊಡ್ಡ ಡಾಟಾ ಕಳವು ಪ್ರಕರಣವನ್ನು ಭೇದಿಸಿದ್ದು, 66.9 ಕೋಟಿ ವೈಯಕ್ತಿಕ ಹಾಗೂ ಕಂಪನಿಗಳ ಮಾಹಿತಿ ಕಳವು ಮಾಡಿರುವುದನ್ನು ಪತ್ತೆ ಹಚ್ಚಿದ್ದಾರೆ.

ದೇಶದ 24 ರಾಜ್ಯಗಳ 8 ಮೆಟ್ರೊ ಪಾಲಿಟಿನ್ ನಗರದ 104 ವಿಭಾಗಗಳಲ್ಲಿನ ಸಾರ್ವಜನಿಕರು ಹಾಗೂ ಕಂಪನಿಗಳ ಗೌಪ್ಯ ಮಾಹಿತಿಗಳನ್ನು ಮಾರಾಟ ಮಾಡಲು ಯತ್ನಿಸಿದ ವ್ಯಕ್ತಿಯನ್ನು ಬಂಧಿಸಲಾಗಿದೆ.

ಬೈಜೂಸ್ ಮತ್ತು ವೇದಾಂತು ಸಂಘಟನೆಗಳ 8 ಮೆಟ್ರೋ ನಗರಗಳ ವಿದ್ಯಾರ್ಥಗಳ 1.84 ಲಕ್ಷ ವಿದ್ಯಾರ್ಥಿಗಳು ಹಾಗೂ ಗುಜರಾತ್ ನ 6 ನಗರಗಳ 4.5 ಲಕ್ಷ ಉದ್ಯೋಗಿಗಳ ಡಾಟಾವನ್ನು ಈ ವ್ಯಕ್ತಿ ಸಂಗ್ರಹಿಸಿದ್ದ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಜಿಎಸ್ ಟಿ, ಆರ್ ಟಿಒ, ಅಮೆಜಾನ್, ನೆಟ್ ಫ್ಲಿಕ್ಸ್, ಯೂಟ್ಯೂಬ್, ಪೇಟಿಯಂ, ಫೋನ್ ಪೇ, ಬಿಗ್ ಬಾಸ್ಕೆಟ್, ಬುಕ್ ಮೈ ಶೋ, ಇನ್ ಸ್ಟಾಗ್ರಾಂ, ಜೊಮೊಟೊ, ಪಾಲಿಸಿ ಬಜಾರ್, ಅಪಸ್ಟಾಕ್ ಮುಂತಾದ ಕಂಪನಿಗಳ ಡಾಟಾ ಕೂಡ ಈ ವ್ಯಕ್ತಿಯ ಬಳಿ ಇತ್ತು ಎಂದು ಪೊಲೀಸರು ತಿಳಿಸಿದ್ದಾರೆ.