ದೇಶದ ದುಬಾರಿ ನಗರಗಳ ಪಟ್ಟಿಯಲ್ಲಿ ಬೆಂಗಳೂರಿಗೆ 3ನೇ ಸ್ಥಾನ! | Azad Times

ವಾಣಿಜ್ಯ ನಗರಿ ಮುಂಬೈ ದೇಶದಲ್ಲೇ ಅತ್ಯಂತ ದುಬಾರಿ ನಗರಿ ಎಂಬ ಸ್ಥಾನ ಪಡೆದಿದ್ದರೆ, ಸಿಲಿಕಾನ್ ಸಿಟಿ ಬೆಂಗಳೂರು 3ನೇ ಸ್ಥಾನ ಗಳಿಸಿದೆ.

ಮರ್ಸಿರ್ 2023 ಜನರ ಜೀವನವೆಚ್ಚ ಆಧರಿಸಿ 7 ರಾಷ್ಟ್ರಗಳ 227 ನಗರಗಳಲ್ಲಿ ನಡೆಸಿದ ಸಮೀಕ್ಷೆಯ ಮುಂಬೈ, ದೆಹಲಿ ಮತ್ತು ಬೆಂಗಳೂರು ಕ್ರಮವಾಗಿ ಮೊದಲ ಮೂರು ಸ್ಥಾನಗಳನ್ನು ಪಡೆದಿದೆ.

ಜಾಗತಿಕ ಮಟ್ಟಕ್ಕೆ ಹೋಲಿಸಿದರೆ ಹಾಂಕಾಂಗ್ ಅಗ್ರಸ್ಥಾನ ಪಡೆದಿದೆ. ಮುಂಬೈ 147ನೇ ಸ್ಥಾನದಲ್ಲಿದ್ದರೂ ಭಾರತದಲ್ಲಿ ನಂ.1 ಸ್ಥಾನ ಗಳಿಸಿದೆ. ದೆಹಲಿ 169, ಚೆನ್ನೈ 184, ಬೆಂಗಳೂರು 189, ಹೈದರಾಬಾದ್ 202, ಕೋಲ್ಕತಾದಲ್ಲಿ 211, ಪುಣೆ 213 ಸ್ಥಾನ ಪಡೆದಿದೆ.

ಹೌಸಿಂಗ್, ಸಾರಿಗೆ, ಆಹಾರ, ಬಟ್ಟೆ, ಗೃಹಪಯೋಗಿ ಉಪಕರಣಗಳು ಮತ್ತು ಮನರಂಜನೆ ಮುಂತಾದ ಪ್ರಮುಖ ವಿಷಯಗಳಲ್ಲಿ ಆಗುವ ವೆಚ್ಚವನ್ನು ಆಧರಿಸಿ ಎಷ್ಟು ವೆಚ್ಚವಾಗುತ್ತದೆ ಎಂದು ಸರಾಸರಿ ಆಧರಿಸಿ ಪಟ್ಟಿ ಸಿದ್ಧಪಡಿಸಲಾಗಿದೆ.

ಅಂತಾರಾಷ್ಟ್ರೀಯ ಕಾರ್ಮಿಕರ ಪಾಲಿಗೆ ಹೋಲಿಸಿದರೆ ಹಾಂಕಾಂಗ್, ಸಿಂಗಾಪುರ ಮತ್ತು ಜ್ಯೂರಿಚ್ ಅತ್ಯಂತ ದುಬಾರಿ ನಗರಗಳಾಗಿವೆ.