ದೆಹಲಿ ಮೇಯರ್ ಆಯ್ಕೆ 3ನೇ ಬಾರಿ ಮುಂದೂಡಿಕೆ: ಲೆ.ಗವರ್ನರ್ ನಡೆ ವಿರುದ್ಧ ಆಪ್ ಆಕ್ರೋಶ | Azad Times

ಆಮ್ ಆದ್ಮಿ ಮತ್ತು ಬಿಜೆಪಿ ನಡುವಣ ದೆಹಲಿ ಮೇಯರ್ ಆಯ್ಕೆ ಸಂಘರ್ಷ ಮುಂದುವರಿದಿದ್ದು, ಮೂರನೇ ಬಾರಿ ಮುಂದೂಡಿಕೆ ಆಗಿದೆ.

15 ವರ್ಷಗಳ ನಂತರ ಇದೇ ಮೊದಲ ಬಾರಿ ದೆಹಲಿ ಮಹಾನಗರ ಪಾಲಿಕೆಯಲ್ಲಿ ಅಧಿಕಾರ ಕಳೆದುಕೊಂಡಿರುವ ಬಿಜೆಪಿ ತಮ್ಮ ಪರವಾಗಿ ಕೆಲವೊಂದು ನಿಯಮ ಬದಲಾಯಿಸಿದ್ದರಿಂದ ಆಕ್ರೋಶಗೊಂಡ ಆಪ್ ಸದಸ್ಯರು ಪ್ರತಿರೋಧ ವ್ಯಕ್ತಪಡಿಸಿದರು.

ಲೆಫ್ಟಿನೆಂಟ್ ಗವರ್ನರ್ 10 ನಾಮನಿರ್ದೇಶನ ಸದಸ್ಯರಿಗೆ ಮತದಾನ ಮಾಡಲು ಹಕ್ಕು ನೀಡಿದರು. ಗವರ್ನರ್ ನಡೆಗೆ ಆಪ್ ಅಸಮಾಧಾನ ವ್ಯಕ್ತಪಡಿಸಿದ್ದು, ಹೇಗಾದರೂ ಮಾಡಿ ಅಧಿಕಾರ ಹಿಡಿಯಲು ಬಿಜೆಪಿ ಈ ಕುತಂತ್ರ ಅನುಸರಿಸಿದೆ ಎಂದು ಆರೋಪಿಸಿದೆ.

ಲೆಫ್ಟಿನೆಂಟ್ ಗವರ್ನರ್ ನಡೆಯನ್ನು ಪ್ರಶ್ನಿಸಿ ಸುಪ್ರೀಂಕೋರ್ಟ್ ಮೊರೆ ಹೋಗುವುದಾಗಿ ಆಮ್ ಆದ್ಮಿ ಹೇಳಿದೆ.