ಟರ್ಕಿ, ಸಿರಿಯಾಗೆ ಹಾರಿದ ಭಾರತದ 4ನೇ ತಂಡ: 54 ವೈದ್ಯರು, 6 ಟನ್ ವೈದ್ಯಕೀಯ ನೆರವು | Azad Times

ಭೂಕಂಪನದಿಂದ ತತ್ತರಿಸಿರುವ ಟರ್ಕಿ ಮತ್ತು ಸಿರಿಯಾ ದೇಶಗಳಿಗೆ ನೆರವು ಹಸ್ತ ಚಾಚಿರುವ ಭಾರತದಿಂದ ನಾಲ್ಕನೇ ತಂಡ ವಿಮಾನದ ಮೂಲಕ ಬುಧವಾರ ಪ್ರಯಾಣ ಬೆಳೆಸಿದೆ.

ಭಾರತೀಯ ಸೇನೆಯ 54 ವೈದ್ಯಕೀಯ ತಂಡ ಸೇರಿದಂತೆ ನಾಲ್ಕನೇ ತಂಡ ಹೊತ್ತ ವಾಯುಪಡೆಯ ವಿಮಾನ ಬುಧವಾರ ಭೂಕಂಪನ ಸಂತ್ರಸ್ತರ ನೆರವಿಗೆ ಟರ್ಕಿ ಮತ್ತು ಸಿರಿಯಾಗೆ ಪ್ರಯಾಣ ಬೆಳೆಸಿತು.

ಸಿ-17 ವಿಮಾನದಲ್ಲಿ 54 ವೈದ್ಯರ ತಂಡ, ಪ್ರಕೃತಿ ವಿಕೋಪ ನೆರವು ತಂಡ ಅಲ್ಲದೇ ವೈದ್ಯಕೀಯ ಉಪಕರಣಗಳು ಸೇರಿದಂತೆ ಅಗತ್ಯ ವಸ್ತುಗಳನ್ನು ಕಳುಹಿಸಿಕೊಡಲಾಗಿದೆ ಎಂದು ವಿದೇಶಾಂಗ ವ್ಯವಹಾರಗಳ ಸಚಿವಾಲಯ ವಕ್ತಾರ ತಿಳಿಸಿದ್ದಾರೆ.

ಇದೇ ವೇಳೆ 6 ಲಕ್ಷ ಟನ್ ವೈದ್ಯಕೀಯ ಉಪಕರಣಗಳನ್ನು ಮತ್ತೊಂದು ವಿಮಾನದಲ್ಲಿ ಈಗಾಗಲೇ ಕಳುಹಿಸಿಕೊಡಲಾಗಿದೆ.

ಭಾರತ, ಅಮೆರಿಕ, ಆಸ್ಟ್ರೇಲಿಯಾ, ಬ್ರಿಟನ್ ಸೇರಿದಂತೆ ಹಲವಾರು ದೇಶಗಳು ಭೂಕಂಪನ ಸಂತ್ರಸ್ತರ ನೆರವಿಗೆ ಪರಿಹಾರ ಘೋಷಿಸಿದೆ.