ಮುಂಬೈ ಇಂಡಿಯನ್ಸ್ ತಂಡದ ಬೌಲರ್ ಆಕಾಶ್ ಮುದ್ಗಲ್ ಗೆ ಸ್ಥಳೀಯ ಟೂರ್ನಿಯಿಂದ ನಿಷೇಧ! | Azad Times

ಮುಂಬೈ ಇಂಡಿಯನ್ಸ್ ತಂಡದಲ್ಲಿ ಸ್ಟಾರ್ ಆಗಿ ಉದಯಿಸಿರುವ ಬೌಲರ್ ಆಕಾದ್ ಮುದ್ಗಲ್ ಅವರನ್ನು ಸ್ಥಳೀಯ ಟೆನಿಸ್ ಬಾಲ್ ಕ್ರಿಕೆಟ್ ಟೂರ್ನಿಗಳಿಂದ ನಿಷೇಧಿಸಲಾಗಿದೆ.

ಎಲಿಮಿನೇಟರ್ ಸುತ್ತಿನ ಪಂದ್ಯದಲ್ಲಿ 5 ರನ್ ಗೆ 5 ವಿಕೆಟ್ ಪಡೆಯುವ ಮೂಲಕ ಐಪಿಎಲ್ ಪ್ಲೇಆಫ್ ನಲ್ಲಿ ಈ ಸಾಧನೆ ಮಾಡಿದ ಮೊದಲಿಗ ಎಂಬ ಗೌರವಕ್ಕೆ ಪಾತ್ರರಾದ ಆಕಾಶ್ ಮುದ್ಗಲ್ ಈಗ ಐಪಿಎಲ್ ನ ಸ್ಟಾರ್ ಆಟಗಾರರಾಗಿದ್ದಾರೆ.

ಆಕಾಶ್ ಮುದ್ಗಲ್ ಐಪಿಎಲ್ ನಲ್ಲಿ 5 ರನ್ ಗೆ 5 ವಿಕೆಟ್ ಪಡೆಯುವ ಮೂಲಕ ಅನಿಲ್ ಕುಂಬ್ಳೆ ಹೆಸರಿನಲ್ಲಿದ್ದ ಅತ್ಯಂತ ಕಡಿಮೆ ರನ್ ನೀಡಿದ ದಾಖಲೆಯನ್ನು ಸರಿಗಟ್ಟಿದ್ದಾರೆ. ಐಪಿಎಲ್ ಪದಾರ್ಪಣಾ ಟೂರ್ನಿಯಲ್ಲೇ ಮುದ್ಗಲ್ ಈ ಸಾಧನೆ ಗಮನ ಸೆಳೆಯುತ್ತಿದ್ದಾರೆ.

2018ರಲ್ಲಿ ಟೆನಿಸ್ ಬಾಲ್ ಕ್ರಿಕೆಟ್ ಟೂರ್ನಿಗೆ ಪಾದರ್ಪಣೆ ಮಾಡಿದ್ದ ಆಕಾಶ್ ಮುದ್ಗಲ್ ಇದೀಗ ಐಪಿಎಲ್ ನಲ್ಲಿ ಲೆದರ್ ಬಾಲ್ ನಲ್ಲಿ ದಾಖಲೆ ಬರೆಯುತ್ತಿದ್ದಂತೆ ಸ್ಥಳೀಯ ಟೆನಿಸ್ ಬಾಲ್ ಕ್ರಿಕೆಟ್ ಸಂಸ್ಥೆ ಮುದ್ಗಲ್ ಅವರನ್ನು ಟೆನಿಸ್ ಬಾಲ್ ಕ್ರಿಕೆಟ್ ಟೂರ್ನಿಯಿಂದ ನಿಷೇಧಿಸಿದೆ.

ಮುದ್ಗಲ್ ಮಾರಣಾಂತಿಕ ದಾಳಿಗೆ ತತ್ತರಿಸಿದ ಲಕ್ನೋ ಸೂಪರ್ ಜೈಂಟ್ಸ್ 101 ರನ್ ಗೆ ಆಲೌಟಾಗುವ ಮೂಲಕ ಪ್ಲೇಆಫ್ ಸುತ್ತಿನಿಂದ ಹೊರಬಿದ್ದರೆ, ಮುಂಬೈ ಇಂಡಿಯನ್ಸ್ 81 ರನ್ ಜಯಭೇರಿಯೊಂದಿಗೆ ಎಲಿಮಿನೇಟರ್-2 ಸುತ್ತಿಗೆ ಪ್ರವೇಶಿಸಿದೆ.