ಕೊರೊನಾ ರೂಪಾಂತರಿ ಅಲೆಗೆ ತತ್ತರಿಸಿದ ಚೀನಾ: ಪ್ರತಿವಾರ 6.5 ಕೋಟಿ ಪ್ರಕರಣ ಸಾಧ್ಯತೆ! | Azad Times

ಕೊರೊನಾ ರೂಪಾಂತರಿ ಎಕ್ಸ್ ಬಿಬಿ ವೈರಸ್ ಚೀನಾವನ್ನು ಕಾಡಲು ಆರಂಭಿಸಿದ್ದು, ಜೂನ್ ವೇಳೆ ಪ್ರತಿ ವಾರ 6.5 ಕೋಟಿ ಸೋಂಕು ಪ್ರಕರಣಗಳು ವರದಿಯಾಗಬಹುದು ಅಂದಾಜಿಸಲಾಗಿದೆ.

ಚೀನಾ ಸರಕಾರ ಜಿರೋ ಕೋವಿಡ್ ನಿಯಮ ಜಾರಿಗೆ ತಂದಿರುವುದರಿಂದ ಸಾಕಷ್ಟು ಪ್ರತಿಭಟನೆಗಳು ನಡೆದಿದ್ದವು. ಇದೀಗ ಮತ್ತೆ ಹೊಸ ತಳಿಯ ವೈರಸ್ ಪತ್ತೆಯಾಗಿರುವ ಹಿನ್ನೆಲೆಯಲ್ಲಿ ಮತ್ತೆ ಲಾಕ್ ಡೌನ್ ಜಾರಿ ಮಾಡುವ ಸಾಧ್ಯತೆ ಇದೆ.

ಚೀನಾದಲ್ಲಿ ಪ್ರಸ್ತುತ ಎರಡು ಮತ್ತು ಮೂರು ರೀತಿಯ ಕೋವಿಡ್ ರೂಪಾಂತರ ತಳಿ ಪತ್ತೆಯಾಗಿವೆ. ಇದರಲ್ಲಿ ಎಕ್ಸ್ ಬಿಬಿ ವೈರಸ್ ಹೆಚ್ಚು ಅಪಾಯಕಾರಿಯಾಗಿದ್ದು, ಅತ್ಯಂತ ವೇಗವಾಗಿ ಇದು ಹರಡುತ್ತಿದೆ ಎಂದು ಹೇಳಲಾಗಿದೆ. ಅಲ್ಲದೇ ಇನ್ನೂ ನಾಲ್ಕು ಕೊರೊನಾ ತಳಿಗಳು ದೃಢಪಡುವ ಸಾಧ್ಯತೆ ಇದೆ ಎನ್ನಲಾಗಿದೆ.

ಕಳೆದ ವರ್ಷ ಚೀನಾ ಜನಸಂಖ್ಯೆಯ ಶೇ.85ರಷ್ಟು ಮಂದಿಯಲ್ಲಿ ಸೋಂಕು ಕಾಣಿಸಿಕೊಂಡಿತ್ತು. ಆದರೆ ಈ ಬಾರಿ ಅದನ್ನೂ ದಾಟಿ ದಾಖಲೆ ಪ್ರಮಾಣದಲ್ಲಿ ಚೀನಾ ದೇಶವನ್ನು ಕಾಡಲಿದೆ ಎಂದು ವರದಿಗಳು ಹೇಳಿವೆ.