ಐಪಿಎಲ್ ನಿಯಮದಲ್ಲಿ ಮಹತ್ವದ ಬದಲಾವಣೆ: ಟಾಸ್ ನಂತರ 11ರ ಬಳಗ ಪ್ರಕಟ! | Azad Times

ಟಾಸ್ ಗೆದ್ದ ನಂತರ ಬ್ಯಾಟಿಂಗ್ ಮತ್ತು ಬೌಲಿಂಗ್ ಆಯ್ಕೆ ನಂತರ ಪರಿಸ್ಥಿತಿಗೆ ತಕ್ಕಂತೆ ಅಂತಿಮ 11 ಆಟಗಾರರನ್ನು ಆಯ್ಕೆ ಮಾಡಲು ಅನುಕೂಲ ಮಾಡಿಕೊಡಲು ಐಪಿಎಲ್ ಟಿ-20 ಟೂರ್ನಿಯಲ್ಲಿ ನಿಯಮ ಬದಲಾವಣೆ ಮಾಡಲಾಗಿದೆ.

ಐಪಿಎಲ್ ಬುಧವಾರ ಟ್ವೀಟ್ ಮಾಡಿ ಈ ವಿಷಯವನ್ನು ಪ್ರಕಟಿಸಿದೆ. ಅಲ್ಲದೇ ನಿಯಮದಲ್ಲಿ ಮಾಡಲಾದ ಬದಲಾವಣೆ ಕುರಿತು ಫ್ರಾಂಚೈಸಿಗಳ ಗಮನಕ್ಕೆ ತರಲಾಗಿದೆ ಎಂದು ತಿಳಿಸಿದೆ.

ಸಾಮಾನ್ಯವಾಗಿ ಟಾಸ್ ಗೂ ಮುನ್ನ ಅಂತಿಮ 11ರ ಬಳಗವನ್ನು ತಂಡಗಳು ಪ್ರಕಟಿಸಬೇಕಿತ್ತು. ಇದೀಗ ಟಾಸ್ ನಂತರ ತಂಡವನ್ನು ಪ್ರಕಟಿಸುವ ಅವಕಾಶ ನೀಡುವುದರಿಂದ ಪರಿಸ್ಥಿತಿ ಹಾಗೂ ಪಿಚ್ ಗೆ ತಕ್ಕಂತೆ ಆಟಗಾರರನ್ನು ಆಯ್ಕೆ ಮಾಡಿ ಅತ್ಯುತ್ತಮ ತಂಡವನ್ನು ಕಣಕ್ಕಿಳಿಸುವ ಅವಕಾಶ ದೊರೆಯುತ್ತದೆ ಎಂದು ಐಪಿಎಲ್ ಆಡಳಿತ ಮಂಡಳಿ ತಿಳಿಸಿದೆ.