ಪೊಲೀಸ್ ಅಧಿಕಾರಿಯನ್ನು ಮದುವೆ ಆದ ಆಮ್ ಆದ್ಮಿ ಪಕ್ಷದ ಶಿಕ್ಷಣ ಸಚಿವ! | Azad Times

ಪಂಜಾಬ್ ನ ಆಡಳಿತಾರೂಢ ಆಮ್ ಆದ್ಮಿ ಪಕ್ಷದ ಶಿಕ್ಷಣ ಸಚಿವ ಹರ್ಜೋತ್ ಸಿಂಗ್ ಬೈನ್ಸ್ ಹಿರಿಯ ಮಹಿಳಾ ಪೊಲೀಸ್ ಅಧಿಕಾರಿ ಜ್ಯೋತಿ ಯಾದವ್ ಅವರನ್ನು ಮದುವೆ ಆಗಿದ್ದಾರೆ.

ಭಗವನ್ ಮನ್ ಸರಕಾರದಲ್ಲಿ ಶಿಕ್ಷಣ ಸಚಿವರಾಗಿರುವ ಹರ್ಜೊತ್ ಸಿಂಗ್ ಬೈನ್ಸ್ ಮಾನಸ ಜಿಲ್ಲೆಯ ಸೂಪರಿಟೆಂಡೆಂಟ್ ಆಫ್ ಪೊಲೀಸ್ ಆಗಿರುವ ಜ್ಯೋತಿ ಯಾದವ್ ಅವರನ್ನು ಶನಿವಾರ ವರಿಸಿದರು.

ಆಪ್ ಶಾಸಕ ನರೇಶ್ ಬಾಲ್ಯನ್ ಗುರುದ್ವಾರದಲ್ಲಿ ದಾಂಪತ್ಯಕ್ಕೆ ಜೀವನಕ್ಕೆ ಕಾಲಿರಿಸಿದ ಹರ್ಜೋತ್ ಸಿಂಗ್ ಮತ್ತು ಜ್ಯೋತಿ ಯಾದವ್ ಅವರ ಫೋಟೊವನ್ನು ಟ್ವಿಟರ್ ನಲ್ಲಿ ಪೋಸ್ಟ್ ಮಾಡಿದ್ದಾರೆ. ಈ ಪೋಟೋ ಇದೀಗ ವೈರಲ್ ಆಗಿದೆ.

ಪಂಜಾಬ್ ಸರಕಾರದಲ್ಲಿನ ಅತ್ಯಂತ ಕಿರಿಯ ಹಾಗೂ ಶ್ರಮ ಜೀವಿಯಾಗಿರುವ ಹರ್ಜೋತ್ ಜೀವನದಲ್ಲಿ ಹೊಸ ಅಧ್ಯಾಯ ಆರಂಭವಾಗಿದೆ ಎಂದು ನರೇಶ್ ಶುಭ ಹಾರೈಸಿದ್ದಾರೆ.