ವೇಗವಾಗಿ ಹರಡುತ್ತಿರುವ ರೂಪಾಂತರಿ ಹಕ್ಕಿಜ್ವರ: ವಿಶ್ವ ಆರೋಗ್ಯ ಸಂಸ್ಥೆ ಎಚ್ಚರಿಕೆ | Azad Times

ಕೊರೊನಾ ವೈರಸ್ ನಂತೆ ಹಕ್ಕಿ ಜ್ವರ (bird flu) ಕೂಡ ರೂಪಾಂತರ ಪಡೆಯುತ್ತಿದ್ದು, ಜಗತ್ತಿನಾದ್ಯಂತ ವೇಗವಾಗಿ ಹರಡುತ್ತಿದೆ ಎಂದು ವಿಶ್ವ ಆರೋಗ್ಯ ಸಂಸ್ಥೆ ಎಚ್ಚರಿಕೆ ನೀಡಿದೆ.

ರೂಪಾಂತರಿ ಹಕ್ಕಿಜ್ವರ ಭೀತಿ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ಕೋಳಿಗಳಿಗೆ ಕೂಡಲೇ ಲಸಿಕೆ ನೀಡಿ ಮುನ್ನೆಚ್ಚರಿಕೆ ವಹಿಸುವಂತೆ ವಿಶ್ವ ಆರೋಗ್ಯ ಸಂಸ್ಥೆ ಸೂಚಿಸಿದೆ.

ಹಕ್ಕಿಜ್ವರ ರೂಪಾಂತರಿ ಪ್ರಕರಣಗಳು ಹೆಚ್ಚಾಗುತ್ತಿದ್ದರೂ ಮಾನವರ ಮೇಲೆ ರೋಗದ ಪರಿಣಾಮ ಕಡಿಮೆ ಇದೆ. ಆದ್ದರಿಂದ ಮನುಷ್ಯರು ಆತಂಕಪಡುವ ಅವಶ್ಯಕತೆ ಇಲ್ಲ ಎಂದು ಡಬ್ಲ್ಯೂ ಎಚ್ ಓ ತಿಳಿಸಿದೆ.

1996ರಲ್ಲಿ ಮೊದಲ ಬಾರಿ ಕಾಣಿಸಿಕೊಂಡ ಎಚ್ ಎನ್ 1 ಸೋಂಕು ಭಾರೀ ಪ್ರಮಾಣದಲ್ಲಿ ಜಗತ್ತನ್ನು ಕಾಡಿತ್ತು. ಇದೀಗ ಅದರ ಪ್ರಭಾವ ಕಡಿಮೆ ಆಗಿದ್ದರೂ 2021ರಲ್ಲಿ ಈ ಸೋಂಕು ರೂಪಾಂತರ ಪಡೆದಿದ್ದು, ಇದು ಸಂಶೋಧನೆ ವೇಳೆ ದೃಢಪಡಟ್ಟಿದೆ ಎಂದು ಹೇಳಿದೆ.