ಇನ್ಫೋಸಿಸ್ ಷೇರು ಕುಸಿತ: ರಿಷಿ ಸುನಕ್ ಪತ್ನಿ ಅಕ್ಷತಾಗೆ 61 ದಶಲಕ್ಷ ಪೌಂಡ್ ನಷ್ಟ! | Azad Times

ಬೆಂಗಳೂರು ಮೂಲದ ಐಟಿ ಕಂಪನಿ ಇನ್ಫೋಸಿಸ್ ಕಂಪನಿ ಷೇರು ಭಾರೀ ಕುಸಿತ ಕಂಡಿದ್ದರಿಂದ ಬ್ರಿಟನ್ ಪ್ರಧಾನಿ ರಿಷಿ ಸುನಕ್ ಪತ್ನಿ ಅಕ್ಷತಾ 61 ದಶಲಕ್ಷ ಪೌಂಡ್ ನಷ್ಟ ಅನುಭವಿಸಿದ್ದಾರೆ.

ಭಾರತದ ಸಾಫ್ಟ್ ವೇರ್ ದೈತ್ಯ ಕಂಪನಿಯಾದ ಇನ್ಫೋಸಿಸ್ ನಲ್ಲಿ ರಿಷಿ ಸುನಕ್ ಪತ್ನಿ ಅಕ್ಷತಾ 0.94ರಷ್ಟು ಷೇರುಗಳನ್ನು ಹೊಂದಿದ್ದಾರೆ. ಅಕ್ಷತಾ ಇನ್ಫೋಸಿಸ್ ಸಂಸ್ಥಾಪಕರಾದ ನಾರಾಯಣ ಮೂರ್ತಿ ಪುತ್ರಿಯಾಗಿದ್ದಾರೆ.

ಷೇರು ಮಾರುಕಟ್ಟೆಯಲ್ಲಿ ಇನ್ಫೋಸಿಸ್ ಷೇರುಗಳು ಸೋಮವಾರ ಶೇ.9.4ರಷ್ಟು ಕುಸಿತ ಕಂಡಿದೆ. ಇದು 2020 ಮಾರ್ಚ್ ನಂತರ ಇಷ್ಟು ದೊಡ್ಡ ಮಟ್ಟದಲ್ಲಿ ಕುಸಿತ ಕಂಡಿದೆ.

ರಿಷಿ ಸುನಕ್ ಪತ್ನಿ ಆಸ್ತಿ ದಿಢೀರ್ ಕುಸಿತ ಕಂಡಿದ್ದರೂ ಪ್ರಸ್ತುತ ಷೇರು ಮೌಲ್ಯ 450 ದಶಲಕ್ಷ ಪೌಂಡ್ ಇದೆ. ಸೌದಿಯಲ್ಲಿ ಬಿಟ್ ಕಾಯಿನ್ ಅಬ್ಬರಕ್ಕೆ ಕುಸಿತ ದಾಖಲಿಸಿದೆ. ಆದರೆ ಈ ಬಗ್ಗೆ ರಿಷಿ ಸುನಕ್ ಕುಟುಂಬ ಯಾವುದೇ ಪ್ರತಿಕ್ರಿಯೆ ನೀಡಲು ನಿರಾಕರಿಸಿದೆ.