ದೂರದರ್ಶನದ ಖ್ಯಾತ ವಾರ್ತಾ ವಾಚಕಿ ಗಾಯಿತ್ರಿ ಅಯ್ಯರ್ ಇನ್ನಿಲ್ಲ! | Azad Times

ದೂರದರ್ಶನದಲ್ಲಿ ಸುದೀರ್ಘ 30 ವರ್ಷಗಳ ಕಾಲ ವಾರ್ತಾ ವಾಚಕಿಯಾಗಿ ಸೇವೆ ಸಲ್ಲಿಸಿದ್ದ ಖ್ಯಾತ ಗಾಯಿತ್ರಿ ಅಯ್ಯರ್ ನಿಧನರಾಗಿದ್ದಾರೆ.

1971ರಲ್ಲಿ ದೂರದರ್ಶನಕ್ಕೆ ಸೇರಿದ್ದ ಗಾಯಿತ್ರಿ ಅಯ್ಯರ್, ಆಂಗ್ಲ ಭಾಷೆಯಲ್ಲಿ ಸುದ್ದಿ ಪ್ರಸಾರ ಆರಂಭವಾದಾಗ ಸುದ್ದಿ ವಾಚಕಿಯಾಗಿ ಕಾಣಿಸಿಕೊಂಡಿದ್ದರು. 30 ವರ್ಷಗಳ ಸುದೀರ್ಘ ಸೇವೆಯಲ್ಲಿ ನಾಲ್ಕು ಬಾರಿ ಶ್ರೇಷ್ಠ ನಿರೂಪಕಿ ಪ್ರಶಸ್ತಿಯನ್ನು ಗಳಿಸಿದ್ದರು.

1989ರಲ್ಲಿ ಇಂದಿರಾ ಪ್ರಿಯದರ್ಶಿನಿ ಪ್ರಶಸ್ತಿಗೆ ಪಾತ್ರರಾಗಿದ್ದ ಗಾಯಿತ್ರಿ, ಭಾರತದಲ್ಲಿ ಜಾಗತಿಕ ಮಟ್ಟದಲ್ಲಿ ದೇಣಿಗೆ ನೀಡುವ ಸಂಸ್ಥೆಯ ಮುಖ್ಯಸ್ಥರಾಗಿ ಸೇವೆ ಸಲ್ಲಿಸಿದ್ದರು.

ಕೋಲ್ಕತಾದ ಲೊರೆಟೊ ಕಾಲೇಜ್ ನಲ್ಲಿ ಪದವಿ ಪಡೆದಿದ್ದ ಗಾಯಿತ್ರಿ, ನ್ಯಾಷನಲ್ ಸ್ಕೂಲ್ ಆಫ್ ಡ್ರಾಮಾದಲ್ಲಿ ಡಿಪ್ಲಮೊ ಗಳಿಸಿದ್ದರು. ನಿವೃತ್ತಿ ನಂತರ ಖಾಂದಾನ್ ಧಾರವಾಹಿಯಲ್ಲಿ ಕಾಣಿಸಿದ್ದರು. ಅಲ್ಲದೇ ಹಲವಾರು ಮಲ್ಟಿ ನ್ಯಾಷನಲ್ ಕಂಪನಿಗಳ ಸಲಹೆಗಾರರಾಗಿ ಕೆಲಸ ಮಾಡುತ್ತಿದ್ದರು.