ಒಂದಕ್ಕಿಂತ ಹೆಚ್ಚು ಮಕ್ಕಳನ್ನು ಹೆತ್ತ ಮಹಿಳಾ ಉದ್ಯೋಗಿಗಳಿಗೆ ಬಂಪರ್ ಕೊಡುಗೆ ಘೋಷಿಸಿದ ಸಿಕ್ಕಿಂ! | Azad Times

ಎರಡು ಅಥವಾ ಮೂರು ಮಕ್ಕಳನ್ನು ಹೊಂದಿದ ಸರಕಾರಿ ಮಹಿಳಾ ಉದ್ಯೋಗಿಗೆ ವೇತನ ಹೆಚ್ಚಳ, ಮಕ್ಕಳನ್ನು ನೋಡಿಕೊಳ್ಳಲು ಹೆಚ್ಚುವರಿ ಭತ್ಯೆ ಸೇರಿದಂತೆ ಹಲವು ಉಡುಗೊರೆಗಳನ್ನು ಸಿಕ್ಕಿಂ ರಾಜ್ಯ ಸರಕಾರ ಘೋಷಿಸಿದೆ.

ರಾಜ್ಯದಲ್ಲಿ ಜನನ ಪ್ರಮಾಣ ಇಳಿದಿರುವುದರಿಂದ ಜನಸಂಖ್ಯೆ ದಿನದಿಂದ ದಿನಕ್ಕೆ ಕುಸಿಯುತ್ತಿದೆ. ಆದ್ದರಿಂದ ಜನಸಂಖ್ಯೆ ಹೆಚ್ಚಳಕ್ಕೆ ಉತ್ತೇಜನ ನೀಡಲು ಸಿಕ್ಕಿಂ ಸರಕಾರ ಹಲವು ಕೊಡುಗೆಗಳನ್ನು ಘೋಷಿಸಿದೆ.

ಸಿಕ್ಕಿಂ ಮುಖ್ಯಮಂತ್ರಿ ಪ್ರೇಮ್ ಸಿಂಗ್ ಥಮಾಂಗ್ ಈ ಘೋಷಣೆ ಮಾಡಿದ್ದು, ಎರಡನೇ ಹಾಗೂ ಮೂರನೇ ಮಗು ಹೆತ್ತರೆ ಸರಕಾರಿ ಮಹಿಳಾ ಉದ್ಯೋಗಿಗಳಿಗೆ ವೇತನ ಹೆಚ್ಚಳ ಹಾಗೂ ಮಗುವಿನ ವೆಚ್ಚವನ್ನು ಸರಕಾರ ಭರಿಸುವುದಾಗಿ ತಿಳಿಸಿದ್ದಾರೆ.

ಸಿಕ್ಕಿಂ ಪ್ರಸ್ತುತ 7 ಲಕ್ಷ ಜನರಸಂಖ್ಯೆ ಹೊಂದಿದ್ದು, ಜನನ ಪ್ರಮಾಣ ಭಾರೀ ಕುಸಿತ ಕಂಡಿದೆ. ಇಲ್ಲಿನ ಮಹಿಳೆಯರು ಒಂದು ಮಗುವನ್ನು ಮಾತ್ರ ಹೆರಲು ಆಸಕ್ತಿ ತೋರುತ್ತಿದ್ದಾರೆ.