ರಷ್ಯಾದಿಂದ ಭಾರತಕ್ಕೆ ಮೇ ತಿಂಗಳಲ್ಲಿ ದಾಖಲೆ ತೈಲ ಆಮದು! | Azad Times

ಅಗ್ಗದ ಪ್ರಮಾಣದಲ್ಲಿ ರಷ್ಯಾದ ತೈಲದ ಆಮದು ಮಾಡಿಕೊಳ್ಳುವ ಮೂಲಕ ಭಾರತ ಮೇ ತಿಂಗಳಲ್ಲಿ ಮತ್ತೊಂದು ದಾಖಲೆ ಮಾಡಿದೆ.

ಸೌದಿ ಅರೇಬಿಯಾ, ಇರಾಕ್, ಯುಎಇ ಮತ್ತು ಅಚೆರಿಕದಿಂದ ಕೊಳ್ಳುವ ಒಟ್ಟು ತೈಲಕ್ಕಿಂತ ಹೆಚ್ಚಿನ ಪ್ರಮಾಣದ ಆಮದು ಈಗ ರಷ್ಯದಿಂದ ಆಗಿದೆ.

ಭಾರತವು ಮೇ ತಿಂಗಳಲ್ಲಿ ರಷ್ಯಾದಿಂದ ದಿನಕ್ಕೆ 1.86 ದಶಲಕ್ಷ ಬ್ಯಾರೆ ಲ್ ಆಮದು ಮಾಡಿಕೊಂಡಿತ್ತು. ಏಪ್ರಿಲ್‌ನಲ್ಲಿ ಇದ್ದ ಪ್ರಮಾಣಕ್ಕಿಂತ ಇದು ಶೇ.15 ಹೆಚ್ಚಾಗಿದೆ. ಭಾರತವು ಮೇ ತಿಂಗಳಲ್ಲಿ ಆಮದು ಮಾಡಿಕೊಂಡ ಕಚ್ಚಾ ತೈಲದ ಶೇಕಡಾ 42 ರಷ್ಟು ಪಾಲನ್ನು ರಷ್ಯಾ ಹೊಂದಿದೆ.

ಸೌದಿ ಅರೇಬಿಯಾದಿಂದ ಸಾಗಣೆಗಳು 560,000 ಟನ್ ಗಳಿಗೆ ಇಳಿದಿವೆ – ಶಿಪ್ಪಿಂಗ್ ಅನಾಲಿಟಿಕ್ಸ್ ಕಂಪನಿಯ ಅಂಕಿಅಂಶಗಳ ಪ್ರಕಾರ ಫೆಬ್ರವರಿ 2021 ರಿಂದ ಇಳಿಮುಖ ದಾಖಲಾಗಿದೆ.

ಭಾರತದ ತೈಲ ಆಮದಿನಲ್ಲಿ ಒಪೆಕ್‌ನ(ತೈಲ ಉತ್ಪಾದಕರ ಕೂಟ) ಪಾಲು ಮೇ ತಿಂಗಳಲ್ಲಿ ಸಾರ್ವಕಾಲಿಕ ಕನಿಷ್ಠವಾದ ಶೇಕಡಾ 39ಕ್ಕೆ ಕುಸಿದಿದೆ.

ಮಧ್ಯಪ್ರಾಚ್ಯ ಮತ್ತು ಆಫ್ರಿಕಾದಲ್ಲಿ, ಭಾರತವು ಒಂದು ಸಮಯದಲ್ಲಿ ಆಮದು ಮಾಡಿಕೊಳ್ಳುವ ಎಲ್ಲಾ ಕಚ್ಚಾ ತೈಲದ ಶೇ.90 ಭಾಗ ಹೊಂದಿದೆ, ಆದರೆ ರಷ್ಯಾದ ತೈಲವು ಲಭ್ಯವಾದಾಗಿನಿಂದ ಇದು ಕುಸಿಯುತ್ತಿದೆ.

ಸತತ ಎಂಟನೇ ತಿಂಗಳು, ಭಾರತ ಆಮದು ಮಾಡಿಕೊಳ್ಳುವ ಎಲ್ಲಾ ತೈಲದ ಶೇಕಡಾ 42 ರಷ್ಟನ್ನು ಮಾಡುವ ಮೂಲಕ ರಷ್ಯಾವು ಕಚ್ಚಾ ತೈಲದ ಏಕೈಕ ಅತಿದೊಡ್ಡ ಪೂರೈಕೆದಾರನಾಗಿ ಮುಂದುವರೆಯಿತು.

ಇರಾಕ್ ಮೇ ತಿಂಗಳಲ್ಲಿ ದಿನಕ್ಕೆ ೦.೮೩ ಮಿಲಿಯನ್ ಬ್ಯಾರೆಲ್ ತೈಲವನ್ನು ಪೂರೈಸಿದರೆ, ಯುಎಇ 203,000 ದಶಲಕ್ಷ  ಬ್ಯಾರೆಲ್ ತೈಲವನ್ನು ರವಾನಿಸಿತು.ಅತ್ತ ಅಮೆರಿಕದಿಂದ 138,000 ದಶಲಕ್ಷ ಬ್ಯಾರೆಲ್ ಪೂರೈಕೆಯಾಗಿದೆ.