ಚೀನಾದಲ್ಲಿ ಭೂಕುಸಿತಕ್ಕೆ 14 ಬಲಿ, 5 ಮಂದಿ ನಾಪತ್ತೆ! | Azad Times

ಚೀನಾದ ಸಿಚೌನ್ ಪ್ರದೇಶದಲ್ಲಿ ಸಂಭವಿಸಿದ ಭೂಕುಸಿತದಲ್ಲಿ 14 ಮಂದಿ ಮೃತಪಟ್ಟಿದ್ದು, 5 ಮಂದಿ ನಾಪತ್ತೆಯಾಗಿದ್ದಾರೆ.

ಲೆಹ್ಸಾನ್ ಬಳಿಯ ಸರಕಾರಿ ಒಡೆತನದ ಅರಣ್ಯ ಪ್ರದೇಶವಾದ ಎತ್ತರದ ಬೆಟ್ಟದಲ್ಲಿ ಶನಿವಾರ ಬೆಳಿಗ್ಗೆ 6 ಗಂಟೆ ಸುಮಾರಿಗೆ ಭೂಕುಸಿತ ಸಂಭವಿಸಿದೆ ಎಂದು ಸರಕಾರ ಹೇಳಿದೆ.

ರಕ್ಷಣಾ ಕಾರ್ಯಚರಣೆ ತಡವಾಗಿ ನಡೆದಿದ್ದು, ಭಾನುವಾರ ಮಧ್ಯಾಹ್ನದ ವೇಳೆಗೆ 14 ಮಂದಿಯ ಶವ ಹೊರತೆಗೆಯಲಾಗಿದ್ದು, ಇನ್ನೂ 5 ಮಂದಿ ನಾಪತ್ತೆಯಾಗಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಲೆಹ್ಲೆಂಡು ಪ್ರಾಂತ್ಯದಿಂದ 250 ಕಿ.ಮೀ. ದೂರದ ಪರ್ವತಗಳ ನಡುವಿನ ಊರಾದ ಲೆಹ್ಸಾನ್ ಬಳಿ ಸಂಭವಿಸಿದ್ದು, ಸ್ಥಳಕ್ಕೆ ತೆರಳಲು ರಕ್ಷಣಾ ಸಿಬ್ಬಂದಿಗೆ ಕಠಿಣವಾಗಿತ್ತು ಎಂದು ತಿಳಿದು ಬಂದಿದೆ. ಭೂಕುಸಿತಕ್ಕೆ ಸ್ಪಷ್ಟ ಕಾರಣ ತಿಳಿದು ಬಂದಿಲ್ಲ.