ಜಾತಕದಲ್ಲಿ ಕುಜದೋಷವಿದ್ದು, ವಿವಾಹ ವಿಳಂಬವಾಗುತ್ತಿದ್ದರೆ ಈ ಕೆಳಗಿನ ಪರಿಹಾರ ಮಾಡಿ! | Azad Times

ಜಾತಕದಲ್ಲಿ ಕುಜದೋಷವಿದ್ದರೆ ವಿವಾಹ ವಿಳಂಬವಾಗುತ್ತದೆ. ಕುಜನು ಜಾತಕದಲ್ಲಿ 28 ರಿಂದ 30 ವರ್ಷದವರೆಗೂ ಬಲಿಷ್ಠನಾಗಿರುತ್ತಾನೆ. ಕುಜದೋಷ ತೀವ್ರವಾಗಿ ಕಾಡುತ್ತಿರುವವರಿಗೆ 28 ರಿಂದ 30 ವರ್ಷ ಕಳೆದ ನಂತರ ವಿವಾಹವಾಗುತ್ತದೆ. 28 ವರ್ಷಗಳವರೆಗೆ ಪ್ರತಿವರ್ಷ ಮಂಗಳಗೌರಿವ್ರತ ಆಚರಿಸುತ್ತಿರಬೇಕು ಕುಜ ಅಥವಾ ಸುಬ್ರಹ್ಮಣ್ಯಸ್ವಾಮಿಗೆ ಪರಿಹಾರ ಮಾಡಿಕೊಳ್ಳುತ್ತಿರಬೇಕು. ಅಲ್ಲದೆ ಈ ಕೆಳಗೆ ನೀಡಿರುವ ಪರಿಹಾರಗಳನ್ನು ಅನುಸರಿಸಬಹುದು.

ಪ್ರತಿ ಮಂಗಳವಾರ ಬೆಳಿಗ್ಗೆ ಶುಚಿರ್ಭೂತರಾಗಿ 108 ಬಾರಿ ಕುಜಗ್ರಹ ಸ್ತೋತ್ರ ಪಠಿಸಿ. ಅನಂತರ ದೇವಸ್ಥಾನಕ್ಕೆ ಹೋಗಿ ನವಗ್ರಹಗಳಿಗೆ 9 ಪ್ರದಕ್ಷಿಣೆ ಮಾಡಿ, 100 ಗ್ರಾಂ ತೊಗರಿಬೇಳೆಯನ್ನು ಕುಜಗ್ರಹಕ್ಕೆ ದಕ್ಷಿಣೆ ಸಹಿತ ಇಟ್ಟು ಬನ್ನಿ.

ಪ್ರತಿದಿನ ಮುಸ್ಸಂಜೆಯ ಸೂರ್ಯಾಸ್ತದ ಸಮಯದಲ್ಲಿ ಶ್ರೀಸುಬ್ರಹ್ಮಣ್ಯಸ್ವಾಮಿ ಅಷ್ಟೋತ್ತರ ಮತ್ತು ನರಸಿಂಹಸ್ವಾಮಿ ಅಷ್ಟೋತ್ತರವನ್ನು ಮನೆಯ ಮುಂಬಾಗಿಲ ಹತ್ತಿರ ಪಠಿಸಿ. ಈ ರೀತಿ 48 ದಿನ ಮಾಡಿ.

48 ದಿನಗಳವರೆಗೆ ತೊಗರಿಬೇಳೆಯನ್ನು ನೀರಿನಲ್ಲಿ ನೆನೆಸಿ, ಬೆಲ್ಲದ ಸಹಿತ ಗೋವಿಗೆ ನೀಡಿ.  ನದಿತೀರದಲ್ಲಿ ಕುಂಭ (ಮಡಿಕೆ) ವಿವಾಹವನ್ನು ಮಾಡಿಕೊಳ್ಳಬೇಕು.

ಈ ಮೇಲಿನ ಪರಿಹಾರಗಳನ್ನು ಮಾಡಿದರೆ ಕುಜದೋಷದ ತೀವ್ರತೆ ಕಡಿಮೆಯಾಗಿ ವಿವಾಹ ನೆರವೇರುವುದು.