ಟರ್ಕಿಯಲ್ಲಿ 4ನೇ ಬಾರಿ ಕಂಪಿಸಿದ ಭೂಮಿ: ಸಾವಿನ ಸಂಖ್ಯೆ 20,000ಕ್ಕೆ ಏರುವ ಸಾಧ್ಯತೆ! | Azad Times

ಸೋಮವಾರ ಮೂರು ಬಾರಿ ಭೂಮಿ ಕಂಪಿಸಿದ ನಂತರ ಮಂಗಳವಾರ ಬೆಳಿಗ್ಗೆ ಟರ್ಕಿಯಲ್ಲಿ ಮತ್ತೊಮ್ಮೆ ಭೂಕಂಪನ ಸಂಭವಿಸಿದ್ದು, ಜನರು ಭಯಭೀತರಾಗಿದ್ದಾರೆ.

ಟರ್ಕಿಯಲ್ಲಿ ಸೋಮವಾರ ಮೂರು ಬಾರಿ ಭೂಕಂಪನ ಸಂಭವಿಸಿದ್ದು, ರಿಕ್ಟರ್ ಮಾಪಕದಲ್ಲಿ 7.8, 7.5 ಮತ್ತು 6ರ ತೀವ್ರತೆ ಕಂಡು ಬಂದಿತ್ತು. ಇದೀಗ ಮಂಗಳವಾರ 5.9ರಷ್ಟು ತೀವ್ರತೆಯಲ್ಲಿ ಭೂಕಂಪನ ಸಂಭವಿಸಿದೆ.

ಈಗಾಗಲೇ ಟರ್ಕಿಯಲ್ಲಿ 3000 ಹಾಗೂ ಸಿರಿಯಾದಲ್ಲಿ 1500 ಮಂದಿ ಭೂಕಂಪನಕ್ಕೆ ಬಲಿಯಾಗಿದ್ದು, ಈ ಸಂಖ್ಯೆ 20 ಸಾವಿರ ದಾಟುವ ಸಾಧ್ಯತೆ ಇದೆ ಎಂದು ವಿಶ್ವ ಆರೋಗ್ಯ ಸಂಸ್ಥೆ ಎಚ್ಚರಿಸಿದೆ. ಇದರ ನಡುವೆ ಭೂಕಂಪನ ಪದೇಪದೆ ಮರುಕಳಿಸುತ್ತಿರುವುದು ಆತಂಕ ಹೆಚ್ಚಾಗಿದೆ.

ಟರ್ಕಿ ಮತ್ತು ಸಿರಿಯಾದ ಸಂಕಷ್ಟಕ್ಕೆ ಸ್ಪಂದಿಸಿರುವ ಭಾರತ, ಅಮೆರಿಕ, ಆಸ್ಟ್ರೇಲಿಯಾ ದೇಶಗಳು ಸುಮಾರು 11 ದಶಲಕ್ಷ ಡಾಲರ್ ನೆರವು ಘೋಷಿಸಿವೆ.