ಜನವರಿಯಲ್ಲಿ ಅಯೋಧ್ಯೆಯಲ್ಲಿ ರಾಮ ಮಂದಿರ ಉದ್ಘಾಟನೆ: ಬರದ ಸಿದ್ಧತೆ! | Azad Times

ಅಯೋಧ್ಯೆಯಲ್ಲಿ ನಿರ್ಮಾಣವಾಗುತ್ತಿರುವ ರಾಮಮಂದಿರ ನಿರ್ಮಾಣ ಮುಂದಿನ ವರ್ಷ ಜನವರಿಯಲ್ಲಿ ಉದ್ಘಾಟನೆ ಆಗಲಿದ್ದು, ಈ ಹಿನ್ನೆಲೆಯಲ್ಲಿ ಉತ್ತರ ಪ್ರದೇಶ ಸರಕಾರ ಭರದ ಸಿದ್ಧತೆ ನಡೆಸಿದೆ.

ರಾಮ ಮಂದಿರ ಉದ್ಘಾಟನೆ ಹಿನ್ನೆಲೆಯಲ್ಲಿ ಉತ್ತರ ಪ್ರದೇಶ ಸರಕಾರ ವಿಮಾನ ನಿಲ್ದಾಣ ಮತ್ತು ರೈಲ್ವೆ ನಿಲ್ದಾಣಗಳ ವಿಸ್ತರಣೆ ಹಾಗೂ ಮೂಲಭೂತ ಸೌಕರ್ಯಗಳ ಅಭಿವೃದ್ಧಿ ಕಾಮಗಾರಿಗಳನ್ನು ಕೈಗೊಂಡಿದೆ.

ಸಹದಗಂಜ್ ಮತ್ತು ನಯಾ ಘಾಟ್ ನಡುವಿನ 13 ಕಿ.ಮೀ. ಉದ್ದದ ರಾಮ್ ಪಥ್ ರಸ್ತೆ ನಿರ್ಮಾಣ ಕಾಮಗಾರಿ ಪ್ರಗತಿಯಲ್ಲಿದ್ದು, ರಾಮ್ ಜಾನಕಿ ಮತ್ತು ಭಕ್ತಿ ಪಥ್ ರಸ್ತೆಗಳು ಬಹುತೇಕ ಸಿದ್ದಗೊಂಡಿವೆ.

ಶ್ರೀ ರಾಮಜನ್ಮಭೂಮಿ ಮತ್ತು ಹನುಮಾನ್ ಗ್ರಥಿ ದೇವಸ್ಥಾನಗಳಿಗೆ ಸಂಪರ್ಕ ಕಲ್ಪಿಸುವ ಕಾರಿಡಾರ್ ಗಳ ಕೆಲಸಗಳು ಪೂರ್ಣಗೊಳ್ಳುವ ಹಂತದಲ್ಲಿವೆ. ರಾಮಜನ್ಮಭೂಮಿ ಪಥ್ 30 ಮೀಟರ್ ಅಗಲ ಹಾಗೂ ಭಕ್ತಿ ಪಥ್ ರಸ್ತೆ 14 ಮೀಟರ್ ಅಗಲದ ರಸ್ತೆಗಳಾಗಿವೆ ಎಂದು ಪ್ರಕಟಣೆಯಲ್ಲಿ ವಿವರಿಸಲಾಗಿದೆ.