ವನಿತಾ ಐಪಿಎಲ್: ಆರ್ ಸಿಬಿ 155 ರನ್ ಗೆ ಆಲೌಟ್ | Azad Times

ನಿಯಮಿತವಾಗಿ ವಿಕೆಟ್ ಕಳೆದುಕೊಳ್ಳುತ್ತಾ ಸಾಗಿದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ವನಿತಾ ಐಪಿಎಲ್ ಟಿ-20 ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ವಿರುದ್ಧ 155 ರನ್ ಗೆ ಆಲೌಟಾಗಿದೆ.

ಮುಂಬೈನ ಬ್ರೆಬೊರ್ನ್ ಮೈದಾನದಲ್ಲಿ ಸೋಮವಾರ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಿದ ಆರ್ ಸಿಬಿ 18.4 ಓವರ್ ಗಳಲ್ಲಿ 155 ರನ್ ಗೆ ಪತನಗೊಂಡಿತು.

ಆರ್ ಸಿಬಿ ಪರ ನಾಯಕಿ ಸ್ಮೃತಿ ಮಂದಾನ (23) ಮತ್ತು ಸೋಫಿ ಡಿವೈನ್ (16) ಮೊದಲ ವಿಕೆಟ್ ಗೆ 39 ರನ್ ಜೊತೆಯಾಟದ ಮೂಲಕ ಉತ್ತಮ ಆರಂಭ ನೀಡಿದರೂ ಮಧ್ಯಮ ಕ್ರಮಾಂಕದಲ್ಲಿ ನಿಯಮಿತವಾಗಿ ವಿಕೆಟ್ ಕಳೆದುಕೊಂಡು ಬೃಹತ್ ಮೊತ್ತ ದಾಖಲಿಸುವ ಅವಕಾಶ ಕಳೆದುಕೊಂಡಿತು.

ಆರ್ ಸಿಬಿ ಪರ ರೀಚಾ ಘೋಷ್ (28), ಕಾನಿಕಾ ಅಹುಜ (22), ಶ್ರೇಯಾಂಕ ಪಾಟೀಲ್ (23) ಮತ್ತು ಮೇಘನಾ ಸ್ಕುಟ್ (20) ರನ್ ಗಳಿಸಿದರು. ಮುಂಬೈ ಇಂಡಿಯನ್ಸ್ ಪರ ಹೇಲಿ ಮ್ಯಾಥ್ಯೂಸ್ 3, ಸೈಕಾ 2 ಮತ್ತು ಅಮೆಲಾ ಕೇರ್ 2 ವಿಕೆಟ್ ಗಳಿಸಿದರು