ಮೊದಲ ದಿನವೇ 54 ಕೋಟಿ ಕಬ್ಜ ಮಾಡಿದ ಉಪೇಂದ್ರ! | Azad Times

ರಿಯಲ್ ಸ್ಟಾರ್ ಉಪೇಂದ್ರ ಮತ್ತು ಆರ್.ಚಂದ್ರು ಕಾಂಬಿನೇಷನ್ ನಲ್ಲಿ ಮೂಡಿಬಂದ ಮೂರನೇ ಚಿತ್ರ ಕಬ್ಜ ಮೊದಲ ದಿನವೇ 54 ಕೋಟಿ ರೂ. ಗಳಿಸುವ ಮೂಲಕ ದಾಖಲೆ ಬರೆದಿದೆ.

ದೇಶಾದ್ಯಂತ 4000 ಥಿಯೇಟರ್ ಗಳಲ್ಲಿ ಮಾರ್ಚ್ 17ರಂದು ಬಿಡುಗಡೆ ಆದ ಕಬ್ಜ ಚಿತ್ರ ಮೊದಲ ದಿನವೇ 54 ಕೋಟಿ ಗಳಿಸುವ ಮೂಲಕ ಕೆಜಿಎಫ್-2 ನಂತರ ಅತೀ ದೊಡ್ಡ ಆರಂಭ ಪಡೆದ ಕನ್ನಡ ಚಿತ್ರರಂಗದ ಎರಡನೇ ಚಿತ್ರ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ.

ಕಬ್ಜ ಚಿತ್ರ ಕರ್ನಾಟಕದಲ್ಲೇ ಮೊದಲ ದಿನವೇ 11.5 ಕೋಟಿ ರೂ. ಗಳಿಸಿದೆ ಎಂದು ಮೂಲಗಳು ತಿಳಿಸಿವೆ. ಅಲ್ಲದೇ ಇದು ಆರ್.ಚಂದ್ರು ಮತ್ತು ಉಪೇಂದ್ರ ಅವರ ವೃತ್ತಿಜೀವನದಲ್ಲೇ ಅತೀ ದೊಡ್ಡ ಆರಂಭ ಪಡೆದ ಚಿತ್ರವಾಗಿದೆ.