ಭಾರತಕ್ಕೆ ಡಬಲ್ ಆಸ್ಕರ್: RRR, ದಿ ಎಲಿಫೆಂಟ್ ವಿಸ್ಪರ್ ಗೆ ಒಲಿದ ಆಸ್ಕರ್! | Azad Times

ಭಾರೀ ಕುತೂಹಲ ಮೂಡಿಸಿದ್ದ ಎಸ್.ರಾಜಮೌಳಿ ನಿರ್ದೇಶನ ಹಾಗೂ ಎಂ.ಎಂ. ಕೀರವಾಣಿ ಸಂಗೀತ ಸಂಯೋಜಿಸಿದ ನಾಟು ನಾಟು ಹಾಡಿಗೆ ಒರಿಜನಲ್ ಸಾಂಗ್ ವಿಭಾಗದಲ್ಲಿ ಆಸ್ಕರ್ ಪ್ರಶಸ್ತಿ ಒಲಿದಿದೆ.

ಲಾಸ್ ಏಂಜಲೀಸ್ ನಲ್ಲಿ ಭಾನುವಾರ ತಡರಾತ್ರಿ ನಡೆದ 95ನೇ ಆಸ್ಕರ್ ಪ್ರಶಸ್ತಿ ಕಾರ್ಯಕ್ರಮದಲ್ಲಿ ದಿ ಎಲಿಫೆಂಟ್ ವಿಸ್ಪರ್ ಶ್ರೇಷ್ಠ ಸಾಕ್ಷ್ಯಚಿತ್ರ ಪ್ರಶಸ್ತಿ ಗಿಟ್ಟಿಸಿದೆ.

ಈಗಾಗಲೇ ಗೋಲ್ಡನ್ ಗ್ಲೋಬ್ ಪ್ರಶಸ್ತಿ ಗೆದ್ದು ಭರವಸೆ ಮೂಡಿಸಿದ್ದ ಆರ್ ಆರ್ ಆರ್ ಚಿತ್ರದ ನಾಟು ನಾಟು ಚಿತ್ರ ಆಸ್ಕರ್ ಪ್ರಶಸ್ತಿ ಗೆದ್ದು ಇತಿಹಾಸ ಮೂಡಿಸಿದೆ. ಈ ಮೂಲಕ ಸ್ಲಮ್ ಡಾಗ್ ಮಿಲೇನಿಯರ್ ಚಿತ್ರಕ್ಕಾಗಿ ಎಆರ್ ರೆಹಮಾನ್ ನಂತರ ಬಂದ ಎರಡನೇ ಪ್ರಶಸ್ತಿಯಾಗಿದೆ.