ಡೆಲ್ಲಿಗೆ ಮೊದಲ ಸೋಲು: ಮುಂಬೈ ಇಂಡಿಯನ್ಸ್ ವನಿತೆಯರಿಗೆ ಹ್ಯಾಟ್ರಿಕ್ ಜಯ | Azad Times

ಭರ್ಜರಿ ಫಾರ್ಮ್ ನಲ್ಲಿರುವ ಮುಂಬೈ ಇಂಡಿಯನ್ಸ್ ವನಿತೆಯರ ತಂಡ 8 ವಿಕೆಟ್ ಗಳಿಂದ ಡೆಲ್ಲಿ ಕ್ಯಾಪಿಟಲ್ಸ್ ತಂಡವನ್ನು ಸೋಲಿಸಿ ವನಿತೆಯರ ಟಿ-20 ಕ್ರಿಕೆಟ್ ಟೂರ್ನಿಯಲ್ಲಿ ಹ್ಯಾಟ್ರಿಕ್ ಗೆಲುವು ದಾಖಲಿಸಿದೆ.

ನವೀ ಮುಂಬೈ ಮೈದಾನದಲ್ಲಿ ಗುರುವಾರ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಡೆಲ್ಲಿ ಕ್ಯಾಪಿಟಲ್ಸ್ ತಂಡವನ್ನು 18 ಓವರ್ ಗಳಲ್ಲಿ 106 ರನ್ ಗೆ ಆಲೌಟ್ ಮಾಡಿದ ಮುಂಬೈ ಇಂಡಿಯನ್ಸ್ ತಂಡ 15 ಓವರ್ ಗಳಲ್ಲಿ 2 ವಿಕೆಟ್ ಕಳೆದುಕೊಂಡು ಜಯಭೇರಿ ಬಾರಿಸಿತು. ಇದು ಡೆಲ್ಲಿ ಕ್ಯಾಪಿಟಲ್ಸ್ ಗೆ ಮೊದಲ ಸೋಲಾದರೆ, ಹ್ಯಾಟ್ರಿಕ್ ಗೆಲುವಿನಿಂದ ಮುಂಬೈ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನಕ್ಕೇರಿತು.

ಒಂದು ಹಂತದಲ್ಲಿ 81 ರನ್ ಗೆ 3 ವಿಕೆಟ್ ಕಳೆದುಕೊಂಡು ಸುಸ್ಥಿತಿಯಲ್ಲಿದ್ದ ಡೆಲ್ಲಿ ತಂಡ 24 ರನ್ ಗಳ ಅಂತರದಲ್ಲಿ 7 ವಿಕೆಟ್ ಕಳೆದುಕೊಂಡು ದಿಢೀರ್ ಕುಸಿತ ಕಂಡಿತು. ಮುಂಬೈ ಪರ ಹೈಲಿ ಮ್ಯಾಥ್ಯೂಸ್, ಇಸ್ಸೆ ಮಾಂಗ್ ಮತ್ತು ಸೈಕಾ ಇಶಾಕ್ ತಲಾ 3 ವಿಕೆಟ್ ಪಡೆದು ಡೆಲ್ಲಿಗೆ ಕಡಿವಾಣ ಹಾಕಿದರು.

ಸುಲಭ ಗುರಿ ಬೆಂಬತ್ತಿದ ಮುಂಬೈ ಪರ ಯಸ್ತಿಕಾ ಭಾಟಿಯಾ (42), ಹೈಲಿ ಮ್ಯಾಥ್ಯೂಸ್ (32), ನ್ಯಾಟ್ ಸಿಸಿರ್ ಬ್ರಂಟ್ (23) ತಂಡಕ್ಕೆ ಸುಲಭ ಗೆಲುವು ತಂದುಕೊಟ್ಟರು